Лион, 1 мај 2020 (МИА) – Напаѓачот на Лион, Мемфис Депај го предизвикал интересот на три клуба во Серија „А“, пренесува „Калчомеркато“.
Според изворот, 26-годишниот Холанѓанец го бараат Милан, Лацио и Рома.
Депај веќе го отфрли предлогот на Лион за нов договор. Сегашниот договор на фудбалерот со клубот истекува на крајот на јуни 2021 година.
Во сезоната 2019/20, Депај постигна 14 голови и даде 2 асистенции на 18 натпревари за Лион.
