Влијателниот член на германската христијанско социјална унија, Алфред Саутер денеска поднесе оставка на сите партиски функции ,објавија германските медиуми.
Обвинителството ги истражува наводите околу земеањето на мито и неговата вклученост во договорите за јавни набавки на маски за време на ковид пандемијата.
Тој ги негира обвинувањата, пишува „Ројтерс“.
Саутер е третиот конзевративен политичар кој поднесе оставка поради скандалот со набавките на маски во Германија.
Неколкумина пратеници на германските демохристијани се осомничени дека собрале стотици илјади евра со цел да лобираат за купување маски на оваа или онаа компанија.
Аферата се случува половина година пред парламентарните избори во Германија и може да ја разниша предноста што анкетите им ја даваат на демохристијаните. Баварскиот федерален пратеник Георг Нислајн се повлече од позицијата заменик-шеф на парламентарната група и најави дека нема да учествува на следните избори.
