Претседателот на САД, Доналд Трамп изјави дека ќе побара допинг-тест пред дебатата со Џо Бајден, затоа што има сомнежи во врска со здравјето на неговиот противник од редовите на демократите.
Без да презентира докази за тоа тврдење, Трамп во интервју за „Вашингтон егземајнер“ рече дека бил заинтригиран од ненадејното подобрување на настапите на Бајден (77) во дебатите на предизборните митинзи на демократите, пишува „Би-би-си“.
Трамп изрази изненадување од успехот на Бајден во последната дебата со Берни Сандерс во март.
„Го гледав во дебатите со сите тие луѓе. Не знам како можеше да биде некомпетентен, а против Берни беше океј“, рече Трамп.
Актуелниот американски претседател, исто така, рече есента 2016 година дека неговата тогашна противкандидатка од демократите, Хилари Клинтон, можеби е на дрога.
