Британската мрежа на уметнички музеи ја прекина соработката со Виктор Векселберг и Пeтр Авен откако САД и ЕУ воведоа санкции за руските милијардери поради инвазијата на Украина.
Векселберг, основач на руски енергетски конгломерат и соработник на Владимир Путин, беше почесен член на престижната фондација „Тејт“, добротворна организација која собира средства за изложби, образование и други проекти, пишува „Скај њуз“.
„Векселберг направи донација за ‘Тејт’ пред седум години и повеќе нема право на неговото почесно членство“, соопшти лондонската мрежа на галерии. Овој богат Русин веќе беше мета на американски санкции во 2018 година, а во петокот повторно се најде на листата на руски милијардери на кои многу земји им воведуваат санкции.
Американските власти соопштија дека тој одржувал блиски врски со Путин и ја замрзнаа сопственоста на неговиот авион и јахта. Пред воведувањето на санкциите, Векселберг даваше донации за американскиот театар Линколн Центар и концертната сала Карнеги Хол.
Се проценува дека има богатство вредно 9,3 милијарди долари, кое го стекнал по приватизацијата на руската нафтена и алуминиумска индустрија.
Текстот „Тејт“ ја раскина соработката со двајца руски милијардери е превземен од МАКФАКС.
