Ерик тен Хаг реши максимално сериозно да се посвети на новиот предизвик, работата во Манчестер Јунајтед. Холанѓанецот го откажал годишниот одмор и на шест недели пред истекот на договорот со Ајакс, го раскина договор со шампионот на Холандија.
Тен Хаг, требаше со Ајакс да отпатува во Курасао на Карибите, каде е закажан пријателски натпревар и прослава на новата титула, но тој по натпреварот со Витесе ги спакува. Попладнево треба да се појави на новото работно место .
„Се договоривме да започнам со работа во Манчестер Јунајтед на 16 мај. Има уште неколку работи кои треба да се направат во подготовките за новата сезона. Меѓу другото, треба да ги изберам членовите на стручниот штаб. Ќе оставам свој белег, но морам да го направам тоа многу добро, внимателно“, вели Хаг.
Тој во недела ќе биде на „Селхурст Парк“, каде ќе го види на дело актуелниот тим во последниот натпревар од оваа сезона.
„Време е да го сменам правецот. Неопходно е, има многу работи за кои треба да се грижам и имам енергија за такво нешто. Не одам во Курасао со Ајакс, тоа е разбирливо“, додаде Холанѓанецот, кој потпиша договор со Јунајтед до 2025 година.
Се верува дека негови први соработници ќе бидат Мичел ван дер Гаг, кого со себе го носи од Ајакс, како и поранешниот селектор на Англија и помошник на Алекс Фергусон, Стив Мекларен.
Тен Хаг се надева дека клубот добар дел од работата ќе заврши во преодниот рок во јули, кога тимот ќе ги започне турнеите во Источна Азија и Австралија.
> Тен Хаг го откажа одморот, веднаш доаѓа во Јунајтед <