Дејвид Бениоф и Ден Вајс, краторите на една од најуспешните ТВ-серии на сите времиња, „Игра на тронови“, ќе ја адаптираат најпродаваната кинеска трилогија на научна фантастика за серија на „Нетфликс“.
Стриминг-платформата во вторникот соопшти дека адаптацијата на англиски јазик ќе ги опфати трите наградени романи на авторот Лиу Циксин, трилогијата „Трителесен проблем“ (The Three-Body Problem, The Dark Forest, Death’s End).
Книгите на Циксин, кого многумина го сметаат за патријарх на кинеската научна фантастика, раскажуваат приказна за првиот контакт на човештвото со туѓа цивилизација – што ќе се случи ако Кина прва воспостави контакт со вонземјани.
Неговиот роман, трилогијата „Трителесен проблем“, во 2015 година ја доби наградата „Хуго“, најпрестижно признание во научната фантастика.
