Струмица, 11 јуни 2020 (МИА) – ЈПКД „Комуналец“ со вработени од четири одделенија почна со генерално летно чистење на каналот на улицата „Крушевска Република“. Чистењето е за подобрување на изгледот и хигиената на најголемиот канал во градот, но и за да се овозможи прифаќањето на водите од големи поројни дождови во летниот период.
Како што соопштија од струмичкото комунално претријатие, во обемната акција се собрани тревата и растенијата кои претходно биле третирани со средство за сушење, како и новоизникнатата трева и растенијата во каналот, а наталожената земја и исушената кал се извадени.
ЈПКД „Комуналец“ апелира граѓаните кои живеат во овој дел на градот посовесно да се однесуваат, а домаќинствата отпадот да го пријават за да може да се подигне навреме. Воедно потсетува дека е забрането фрлање отпадоци во каналот, рт/мч/
