Американскиот државен секретар, Ентони Блинкен, потврди дека Стејт департментот ја суспендирал работата на американската амбасада во белорускиот главен град Минск и дека на сите вработени во американската амбасада во Москва, кои не се занимаваат со итни работи, и на членовите на нивните семејства им било дозволено да си заминат.
Во соопштението на американскиот државен секретар се вели дека одлуката е донесена поради безбедносни проблеми, кои произлегле од „неиспровоциран и неоправдан напад на руските воени сили врз Украина“.
