Во Црна Гора се регистрирани четири случаи на зараза со подгрупата на вирусот омикрон БА.2, кој уште го нарекуваат стелт омикрон, соопшти денеска Институтот за јавно здравје.
Вирусот е регистриран вчера, а од ИЈЗ потсетуваат дека од Светската организација велат дека новиот вид на омикрон БА.2 не е „варијанта за загриженост“.
Ова, велат тие, значи дека нема тековни докази кои сугерираат дека оваа нова подваријанта на омикрон ќе го влоши преносот на вирусот, сериозноста на клиничкиот тек на болеста, ефективноста на постоечките вакцини и ефективноста на општите антиепидемиски мерки.
Од ИЗЈЗ апелираат граѓаните да се вакцинираат, како и да добијат бустер доза.
