По шест месеци во дрвен брод на отворено море, локалните власти во Индонезија спасија 300 бегалци од муслиманскиот народ Рохинџа.
Дрвен брод полн со бегалци бил забележан од локалните рибари на неколку километри од брегот на Локсеумава, а нешто по полноќ бегалците зачекориле на земја во близина на местото Ујунг Бланга.
„Од 297 бегалци, 181 се жени, а 14 се деца“, изјави шефот на локалната полиција за „Ројтерс“.
Едно 14-годишно момче било веднаш упатено во локалната амбуланта поради лошата здравствена состојба.
