Во епидемиолошката статистика за коронавирус во Србија и февруари започна со високи бројки. Гужвите во амбулантните возила и на ковид оделенијата не стивнуваат. Расте и бројот на новозаразени пациенти на кои им е потребен респиратор и болничко лекување но се зголемува и бројот на починати, анализираат српските медиуми. Според нив, најзагрозени се најстарите граѓани.
И покрај големиот број заразени со високо преносливиот сој на омикрон, европските земји, една по една земја ги менуваат правилата. Причина за ваквите одлуки е малиот број лица кои завршуваат во болница.
По Холандија, Велика Британија, Ирска и Данска и Норвешка ги укинува повеќето мерки, освен маската и растојанието.
Во Србија пак бројот на заразени со коронавирусот секојдневно расте, а капацитетот на црвените зони во болниците низ Србија е од 70 до 90 отсто, предупреди денеска државниот секретар во Министерството за здравство Предраг Саздановиќ и најави дека наскоро ќе биде донесена одлука за четврта доза на вакцина против коронавирус.
