30 мај 2020
По објавувањето на информацијата во хрватските и македонските медиуми за вулгарни навреди што директорот на македонската агенција за филм Горјан Тозија јавно ги кажува и прокламира на социјалните мрежи каде премиерот на Хрватската влада Андреј Пленковиќ, владејачката ХДЗ партија, ги нарекува фашисти и членови на криминалниот клуб, ние како организација на Хрватите во Македонија очекувавме веднаш владата на Македонија јавно да го осуди овој говор на омраза и санкционира директорот на Агенцијата за филм Горјан Тозија.
Директорот на владината агенција за филм не само што не негираше и не се извини за тоа што со месеци ја навредуваше Владата на Република Хрватска и нејзиниот претседател во кој ги нарекува фашистите и член на криминален клуб, туку напротив, тој истото го потврди и напиша дека има право да го стори тоа, што преставува дрскост и говор на омраза
Ова не е само меѓународен скандал, туку и невиден случај во светот каде една влада толерира мешање во работите на друга држава – најсериозните навреди и говор на омраза. Покрај тоа, тоа го прави и на земјата и нејзиното раководство, кое го има претседателството со ЕУ и ја поддржува Македонија во патот кон ЕУ толку силно.
Не сакаме да веруваме дека Владата на Македонија преку игнорирањето на званична реакција и осуда кон Горјан Тозија стои зад ваквото мешање во внатрешните односи на друга држава – и самото што беше со Македонија и е кога и е најпотребно. Владата на РСМ мора да го стори тоа и затоа што, во спротивно, ги изложува сите нас, сите Македонци и македонските граѓани, да бидат прикажани во светот како оние што се враќаат Добро на Злото. И ние не сме и не сакаме да бидеме такви.
Со ова го повикуваме Претседателот на Македонија, во рамките на неговите овластувања и врз основа на уставната одговорност за репутацијата на Македонија во светот, да побара од Владата на Македонија да постапи и да го санкционира Горајан Тозија, но и сите оние кои и го дозволуваат овој срам за Македонија и рушење на одличните односи помеѓу Македонија и Хрватска.
Истовремено ја повикуваме Владата на Македонија да го разреши Горјан Тозија, и да испрати извинување и јасна порака до сите оние кои размислуваат како него дека ова не е политика, дека ова не е позиција и став на Владата на Македонија и јавно ќе ги санкционира сите оние кои имаат шират и прокламираат говор на омраза.
Здружение на Хрватите во Македонија
___________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.
