Во издание на „Матица македонска“ од Скопје излезе од печат книгата „Европа – слепо црево на познатиот свет“ од проф. д-р Стефан Влахов – Мицов.
На страниците од своето најново научно дело авторот прави паралела меѓу слепите црева во човечкиот биолошки и во човечкиот општествен организам.
Неговата цел е да покаже како е замислен и реализиран проектот „Слепо црево“, зошто Европа била избрана за таков експеримент и на кој начин тоа географско (во однос на останатиот свет) слепо црево, се исполнува со штетна содржина.
Ова во последните неколку векови ја зафати речиси целата цивилизација на Земјината топка.
Основата на таа штетна содржина е целосно деградираната европска психа, која создаде цивилизациски перитонитис со сè помали шанси за спас на „сапиенсот“.
Текстот Слепо црево на познатиот свет – нова книга од проф. д-р Стефан Влахов-Мицов е превземен од МАКФАКС.