СВР Скопје поднесе кривична пријава против Љ.Н(48) од Скопје, поради постоење основано сомнение за сторено крвично дело даночно затајување.
Пријавениот во 2016, 2017 и 2018 година, во вкупно 59 наврати реализирал приливи на девизни парични средства од повеќе физички лица од странство, по пат на користење услуги за брз трансфер на пари.
Пријавеното лице, со намера да го одбегне плаќањето на персоналниот данок, не ги пријавил како друг доход, со што го оштетил буџетот на Република Северна Македонија, а бил должен за овие износи да пресмета и плати персонален данок на доход.
