Сингапур ќе го укине законот кој забранува хомосексуални односи, со што хомосексуалноста би станала легална, пишува Би-Би-Си.
Одлуката ја објави премиерот Ли Хсиен Лунг на националната телевизија. ЛГБТ активистите во Сингапур го поздравија овој потег како „победа на човештвото“.
Сингапур е познат по своите конзервативни вредности, но во последниве години се поголем број луѓе повикаа на укинување на законот 377А од колонијалната ера. Така, Сингапур стана последната земја во Азија која почна да ги промовира ЛГБТ правата, по Индија, Тајван и Тајланд.
Претходниот став на владата на Сингапур беше дека законот 377А треба да се задржи, но со ветување дека нема да се спроведува во пракса, за да се смират спротивставените страни во јавноста. Меѓутоа, сега премиерот Ли најави дека ќе го укине законот. Тој рече дека верува „дека тоа е вистинската одлука, која мнозинството Сингапурци ќе ја прифатат“.
Тој исто така рече дека „денес подобро се прифаќаат геј луѓето“ и дека укинувањето на спорниот закон ќе донесе „олеснување за геј Сингапурците“.