Авион се урна во источната провинција Јужен Киву, во Демократска Република Конго, изјави покраинскиот министер за транспорт за „Ројтерс“.
Според првите информации се уште нема податоци за евентуални жртви.
Претставник на авиокомпанијата „Смол авиејшн“ изјави дека авионот се урнал, но други детали не се познати.
„Ројтерс“ во извештајот наведува дека се уште не е јасно дали се урнал авионот на компанијата „Смол авиејшн“.
Како што се наведува, авионските несреќи се чести во источно Конго. Најмалку 27 луѓе загинаа во 2019 година кога мал авион се урна во близина на густо населениот град Гоме, потсетува британската агенција.
