Кавадарци, 10 јуни 2020 (МИА) – Општината Кавадарци продолжува со реализација на проектот за обнова на фасадите на зградите во строгиот центар на градот, информираат од кабинетот на градоначалникот Митко Јанчев.
-Од вчера градежната оператива започна со обновување на фасадата на зградата после „старата автобуска“ на улицата „Илинденска“. Ова е првата од вкупно петте згради на кои ќе се изврши фарбање и обновување на олуците. Четири згради се на „Илинденска“, а една зграда е на улицата „Цано Поп-Ристов“ на северниот влез од Градскиот зелен пазар, соопштуваат од градоначалничкиот кабинет.
За оваа намена општината од буџетот одвои нешто над четири милиони денари. Во првата фаза општината обнови фасади на тринаесет колективни станбени објекти, лоцирани покрај централните градски улици. свд/ир
