Пациентите во болницата во Петриња чекаат да бидат евакуирани, откако по денешниот силен земјотрес во објектот долго време немаше ниту електрична енергија ниту греење, пренесуваат хрватските медиуми. Одреден број пациенти се во болницата, а другите се надвор и чекаат превоз за во Загреб.
Не престанува да се тресе земјата во Хрватска, пренесува Н1.
Još uvijek traje evakuacija pacijenata koji ne mogu sjediti iz bolnice u Petrinji, nema struje ni grijanja, čekaju se vojni kombiji, tlo i dalje podrhtava, javlja @MirelaBacic @N1infoZG pic.twitter.com/RzvFbfjjHv
— Domagoj Novokmet (@DomagojNovokmet) December 29, 2020
Во Петриња се уште трае потрагата по преживеани лица. Од под урнатините извлечени се двајца живи луѓе.
Земјотресот беше со интензитет од 6,3 степени според Рихтеровата скала, а епицентарот беше на 47 километри југоисточно од Загреб, односно на три километри од Петриња. Потоа следуваа уште неколку потреси.
Регионот понуди помош за Хрватска. Македонија најави помош од 6 милиони денари.
