Ким Кардашијан, Клои Кардашијан и Кајли Џенер се наведени на списокот сведоци во судскиот спор инициран од поранешната свршеница на нивниот брат.
Од Ким, Клои и нивната помлада сестра Кајли најверојатно ќе се побара да сведочат на претстојното судење против нивното семејство, по тужбата на поранешната свршеница на Роб, Блек Чајна.
Во судските документи до кои дојде „Пипл“, мајката на реалити-ѕвездите, Крис Џенер и нејзиниот партнер Кори Гембл, како и Рајан Сикрест, кој го создаде семејното реалити-шоу Keeping Up With The Kardashians и извршниот продуцент на спинофот Rob & Chyna („Роб и Чајна“) се меѓу сведоците.
Во документот се наведува дека Сикрест „се очекува да сведочи во живо и ќе биде повикан во текот на судењето“, но анонимен извор навести за весникот дека е малку веројатно 47-годишниот продуцент да се појави во судница и да зборува под заклетва.
