Американските сили на аеродромот во Кабул се во завршна фаза на евакуација. Нешто повеќе од 1.000 цивили останаа на аеродромот, но точното време и датум за крајот на евакуацијата сѐ уште не е утврден.
Со договор со Талибанците, последниот ден за евакуација може да биде вторник.
Доцна синоќа американскиот претседател, Џо Бајден, предупреди дека во следните 24 до 36 часа многу е веројатно дека ќе се случи уште еден терористички напад на аеродромот.
Стејт департментот издаде предупредување до сите американски граѓани да ја напуштат областа во близина на аеродромот поради „специфична, веродостојна закана“, пренесува Би -Би -Си.
Во самоубиствен бомбашки напад во четвртокот во близина на аеродромот во Кабул загинаа околу 170 луѓе, вклучувајќи 13 американски војници.
