Северна Кореја денеска истрела можна интерконтинентална балистичка ракета (ИЦБМ), објавија армиите на Јужна Кореја и Јапонија, што ќе биде прво вакво лансирање во целиот опсег на најголемите ракети од 2017 година.
Балистичката ракета заврши во водите источно од Корејскиот Полуостров, соопшти кабинетот на јапонскиот премиер.
Јужна Кореја исто така го пријави лансирањето, велејќи дека сè уште се обидува да утврди колку точно проектили биле лансирани. Јапонските власти наведуваат дека проектилот паднал на 170 километри од границата, пишува „Франс прес“.
Јужнокорејскиот началник на здружените сили изјави дека се смета за проектил со долг дострел, можеби интерконтинентална балистичка ракета (ICBM), објави Јонхап.
Јужна Кореја свика состанок на Советот за национална безбедност за севернокорејското прашање во врска со последното лансирање. Јужнокорејското Министерство за одбрана не можеше веднаш да потврди дали се работи за ICBM. Северна Кореја нема тестирано вакви ракети од 2017 година.
Претходните извештаи велеа дека Северна Кореја се подготвува да ја лансира најголемата ракета до сега. САД и Јужна Кореја предупредија дека Пјонгјанг се подготвува да лансира интерконтинентална балистичка ракета во полн дострел за прв пат од 2017 година, што е кршење на резолуциите на Советот за безбедност на ОН.
