Реакција на прес-конференцијата на Димче Арсовски од ВМРО-ДПМНЕ
Скопје, 11 мај 2020
Ниту една прес конференција ниту соопштение на ВМРО-ДПМНЕ не може да го сокрие или минимализира фактот дека денес волјата на граѓаните е неприкосновена, а не контролирана и штимана како што тоа беше во времето на режимот и груевизмот.
Денес, граѓаните живеат во вистински неконтролиран, слободарски и вистински демократски дух, денес на граѓанските организации им се поблиски на демократските принципи и политики на СДСМ отколку на режимските на ВМРО-ДПМНЕ и Груевски.
Токму на местото на кое денеска портпаролот на ВМРО-ДПМНЕ глуми загриженост за граѓанските организации и студентите, пред само 4 години партиски злоупотребената полиција од ВМРО-ДПМЕ тепаше и апсеше студенти кога се бираше претседател на Студентскиот парламент.
Тоа е начинот на ВМРО-ДПМНE. Така ги третираше студентите, така ги третираше здруженијата на граѓани кои не беа под контрола на режимот.
До ден денес, ВМРО-ДПМНЕ не се огради, ниту пак го осуди таквиот срамен, насилнички чин.
Граѓаните ги препознаваат демократските политики, почитување на слободата и правата на сите граѓани, наспроти режимските и деструктивни политики на ВМРО-ДПМНЕ. Затоа ќе ги казнат ВМРО-ДПМНЕ на следните избори кога и да се одржат.
Центар за комуникации со јавноста на СДСМ
___________________________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.
