Скопје, 15 јуни 2020 (МИА) – Нашите напори се Северна Македонија итно да излезе од оваа институционална криза, а тоа значи избори час поскоро, за да добиеме целосно функционални Собрание и Влада, информираат од владејачката СДСМ по најавите дека е можен договор за датум за парламентарните избори со опозициската ВМРО-ДПМНЕ.
-Продолжуваме со барање решенија ова да се реализира на најбрз можен и целосно демократски начин, потенцираат од СДСМ.
Официјални информации за разгворите помеѓу двете партии нема. Само се знае дека има комуникација меѓу нив и дека се очекува до крајот на денот или утре да има некаков исход.
Во меѓувреме, роковите за парламентарни избори на 5 јули течат. ев/ац/
