Опозициската ВМРО-ДПМНЕ предводена од дезинформаторoт Христијан Мицкоски во очај и паника, продолжува со хајки, напади и конструкции, велат од владејката СДСМ.
„Уште еднаш потврдија дека се заглавени во режимската матрица и за кредибилната студија, која ги нотира како главни извори на дезинформации, сметаат дека е виновен Сорос, како што за време владеењето на почесниот бегалец од правдата Сорос беше виновен за сè“, стои во партиското соопштение.
Во него се додава дека ВМРО-ДПМНЕ е партија неспособна да преземе одговорност за своите постапки и за своето деструктивно делување.
„Опозицијата треба да запре со труењето на општеството, треба да престане со лажни вести, опасни тези со кои поттикнуваа омраза и поделби во јавноста, бидејќи вистината секојдневно ги демантира“, велат од СДСМ.
