Утрински Весник
Македонија

СДСМ: Онаму каде Николовски застана со лажните вести продолжи Николовска, ВМРО-ДПМНЕ ги интензивира лажните вести како што им се ближи поразот

СДСМ:ВМРО-ДПМНЕ освен што шири лажни вести, се дрзнува јавно да му наредува на обвинителството
Img 5587

Скопје, 20 февруари 2020

Во отсуство на реални политики и мерки ВМРО-ДПМНЕ и извршителот Христијан Мицкоски своето делување го базираат на валкана кампања и неосновани обвинувања, затоа што ништо друго и не знаат.

Img 5587

Од белиот дворец, во нивен познат стил ВМРО-ДПМНЕ секојдневно пласираат лажни вести и невистини.

Таквите лаги ќе се интензивираат како што ќе наближува 12 април и извесниот пораз на ВМРО-ДПМНЕ.

Дека очајот во ВМРО-ДПМНЕ кулминира потврдуваат  неоснованите напади врз претседателот Заев и членови на неговото семејство.

Лагите на ВМРО-ДПМНЕ и претходно се потврдија дека се со краток рок, доказ за тоа е и случајот за изречена клевета од страна на Александар Николовски , во слична ситуација, кога неосновано ширеше лаги во јавноста.

Денес таквите лаги ги продолжува Ружица Николовска докажан бранител на криминалот на ВМРО-ДПМНЕ.

Николовска остана запаметена во јавноста како бранител на обвинетите за 27 април, како и обвинети во предмети кои ги водеше своевремено СЈО.

Горан Ѓошевски, Кирил Божиновски, Гордана Јанкулоска, Миле Јанакиески се дел од обвинетите по разни предмети , зад чија одбрана стои токму адвокатката која денес потврдува дека се залага за враќање и обнова на режимот.

Одамна е јасно дека ВМРО-ДПМНЕ и извршителот Мицкоски не можат да понудат ништо освен лаги, конструкции, невистини и измислици преку кои водат негативни, валкани кампањи.

Додека ВМРО-ДПМНЕ лаже, ние ја внесуваме државата во НАТО и ЕУ, додека од белиот дворец штанцаат лажни вести, ние зголемуваме плати, додека Мицкоски брани криминал, ние обезбедуваме правда.

Затоа на 12 април ќе доживеат нов пораз од граѓаните, кои ќе порачаат режим никогаш повеќе.

Центар за комуникации со јавноста на СДСМ

________________________________________________________________________________________

МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.

Извор: mia.mk

Ss1

Можете да прочитате

Силјановска-Давкова: За христијаните нема поголем празник од Велигден

Овации за Албанскиот театар и „Диво месо” во Тирана

Ковачевски: Македонскиот јазик денес е на исто рамниште со официјалните јазици во ЕУ, тој е темел на нашиот идентитет