Еве му прилика на Христијан анти ЕУ Мицкоски, вечер, на седницата на Извршниот комитет на ВМРО-ДПМНЕ да им се извини на своите сопартијци што ги лажеше, велат од СДСМ.
„Да им се извини за лагите за наводна бугаризација и асимилација. Да им се извини за измислените манипулации за продавање на идентитот. Да им се извини што велеше дека нема да почнеме преговори со ЕУ со заштитен македонски јазик. Да им се извини што во ЕПП прифати нашата земја да биде срамно претставена со кратенка од регистерка табличка. Да им се извини за сите навреди, колнења и хушкања кои ги тераше да ги кажуваат само за да ја спасат неговата политичка кариера“, додаваат од партијата на власт.
Им должи Мицкоски извинување, велат од СДСМ и за неуспешните крвави сценарија за предизвикување дестабилизација и етнички конфликт во државата, за обидот за блокада на европскиот пат на државата.
„Секако доблесно би било и да потврди дека македонскиот јазик со чиста формулација без фусноти станува дел од преговарачкиот процес со ЕУ но тоа е прмногу да се бара од Мицкоски“, е истакнато во реакцијата од оваа партија.