ВМРО-ДПМНЕ ги засилува лажните вести против Петре Шилегов онака како што се наближува датумот за избори и нивниот извесен пораз, реагираат од СДСМ по денешните обвинувања изнесени од страна на Наум Стоилковски.
„ВМРО-ДПМНЕ нема да понуди ништо конкретно, па затоа мора секојдневно да лаже и да манипулира измислувајќи нови конструкции. 27 години ВМРО-ДПМНЕ не направи ништо за Скопје, напротив, го уништуваше градот за лични и бизнис-интереси на поединци, а најеклатантен пример за тоа е проектот Скопје 2014“, велат од СДСМ од каде се уверени дека на 17 октомври следува, како што велат, нов убедлив пораз на партијата на Мицкоски во главниот град.
