Скопје, 15 март 2020
ВМРО-ДПМНЕ треба веднаш да престане да лови партиски поени кревајќи хистерија во време кога сите институции и сите граѓани се фокусирани на справување со коронавирусот.
Владата заседава постојано и активно реагира, исто така и највисокото координативно тело кое го предводи премиерот.
За потсетување, и во Владата и во координативното тело, свој претставник има и ВМРО-ДПМНЕ, и тоа не било кој туку министерот за внатрешни работи Наќе Чулев.
Сѐ што има ВМРО-ДПМНЕ да предложи како мерки имаат можност секој ден да го направат преку нивниот министер и сите совети да ги дадат до институциите преку нивниот претставник.
Владата предводена од СДСМ, јавноста, имаат целосен фокус на здравјето, а не на нивните партиски хистерични напади.
Апелираме од белиот дворец да престанат со бркање ситни политички поени,затоа што освен што е неодговорно, во овој случај е и целосно на нивна штета.
СДСМ
_____________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки
