„Неуспех ќе биде доколку Англија не се пласира во полу-финалето на Европското првенство“, смета селекторот на „Гордиот Албион“, Герет Саутгејт.
Англија на ЕУРО 2020, во Д-групата, ќе игра против Хрватска, Шкотска и Чешка. Англичаните натпреварите во групата ќе ги играат на домашен терен, на „стадионот „Вембли“. Доколку завршат како први во групата и осмина-финалето, Англичаните, ќе го играат во Лондон.
„Мораме да живееме со очекувањата. Дали сме подготвени за титулата? Па два пати сме играле во полу-финалето, значи следниот чекор е да одиме подалеку од тоа“, рекол Саутгејт, алудирајќи на поразите од Хрватска (1:2), во полу-финалето на Светското првенство во Русија и Холандија (1:3) во Лигата на нации.
Англија во својата историја само еднаш играла финале на големо натпреварување, во 1966 година на Мундијалот.
> Саутгејт: Неуспех ќе биде ако не дојдеме до полу-финалето <
