Над Атлантскиот океан, во екот на сезоната на урагани во моментов има дури пет тропски циклони. Ова се случува по вторпат во историјата.
No, your eyes are not deceiving you. You are seeing, count ’em, FIVE different Tropical Cyclones in the Atlantic at the same time. This is something that has only happened one other time in recorded history! #Sally #Paulette #Rene #Teddy #TD21 (could be #Vicky later today) pic.twitter.com/meUY0BKAxy
— Alex Wallace (@TWCAlexWallace) September 14, 2020
Оваа сателитска фотографија ги прикажува петте тропски циклони кои во моментов се активни над Атлантикот. Од лево, најнапред се гледа ураганот Сали над Мексиканскиот залив, потоа ураганот Полет над Бермудите, остатоците од тропската бура Рене и тропските бури Теди и Вики.
Станува збор за историски момент, со оглед на тоа дека последен пат вакво нешто било забележано во 1971 година.
We are issuing advisories on five tropical cyclones over the Atlantic basin. This ties the record for the most number of tropical cyclones in that basin at one time, last set in Sept 1971. See https://t.co/tW4KeFW0gB for the latest updates. #Paulette #Rene #Sally #Teddy #Vicky pic.twitter.com/K32RyJBqbo
— National Hurricane Center (@NHC_Atlantic) September 14, 2020
Веројатно најопасен од овие тропски циклони е ураганот Сали кој сега му се заканува на југоистокот на САД, предупредуваат американските метеоролошки служби.
Ураганот Полет ги погоди Бермудите рано наутро во понеделникот. Бидејќи тој во моментов се оддалечува од таа локација, последиците се видливи. Силните ветрови, невреме и обилни врнежи од дожд најверојатно ќе продолжат до попладневните часови.
Исто така, се очекува Полет да продолжи да се зајакнува додека се движи кон отворениот Атлантик. Ураганот може да добие статус на голем ураган во среда, со брзина на ветерот од најмалку 111 метар на час.
Сезоната на урагани во Атлантикот обично има во просек има по три големи урагани. Тропската депресија на Рене, која беше тропска бура минатиот викенд, ќе продолжи да ослабува додека минува низ централниот дел на океанот. Се очекува оваа бура да не го погоди копното, а исто така се предвидува дека ќе се распрсне во следните два дена.
Ураганот Сали во моментов се движи на северозапад преку Мексиканскиот залив. За низинските подрачја долж заливот веќе е во тек задолжителна евакуација.
Она што е опасно за оваа бура е големата количина на вода. Националниот центар за урагани соопшти дека количините на вода може да бидат опасни по живот и предупредуваат на големи поплави.
Тропската бура Теди моментално се наоѓа во централниот дел на Атлантикот, на 1.000 милји источно од Малите Антили. Теди се очекува да се засили до ураган во следните неколку дена. Доколку се случи тоа, Теди ќе биде осмиот ураган оваа година во сезоната на урагани во Атлантикот, зад Сали.
До крајот на неделата се предвидува дека Теди ќе стане главниот ураган (категорија три или повисока) со приближувањето кон Бермудите. Прерано е да се каже дали директно ќе ги погоди Бермудите, но со оглед на моменталната состојба, тоа ќе биде нешто што ќе се види во наредните денови.
