Одлуката на Велика Британија да воведе задолжителен карантин за повратниците од Шпанија е неправедна, изјави шпанскиот премиер, Педро Санчез.
Тој кажа дека шпанската влада е во контакт со британската и дека се обидува да влијае да ја смени одлуката.
Санчез смета дека е грешка на Лондон тоа што предвид е земен бројот на заразени со коронавирус на територија на цела Шпанија, напоменувајќи дека повеќе региони во оваа земја имаат помала стапка на заболени отколку Велика Британија.
