Кичево, 10 април 2020 (МИА) – После целодневна непрекината напорна работа на нашите работници се заврши санирањето на главниот цевковод што го снабдува со вода за пиење целиот северен регион на општина Кичево информира директорот на ЈП за стопанисување со регионалниот водовод „Студенчица ” Урим Ахмети.
Тој упати благодарност и до РЕК „Осломеј” што помогнале со механизација за да побрзо да се санира дефектот. После ова набрзо се очекува да се стабилизира состојбата со водоснабдување на жителите на овој регион. рз/бк/
