Шест американски авиони Ф-15 слетаа во естонската воздухопловна база и ќе бидат распоредени до крајот на следната недела бидејќи НАТО го зајакнува своето источно крило во страв од можен руски напад врз Украина.
НАТО во понеделникот објави дека ги става силите во готовност и ја зајакнува Источна Европа со бродови и борбени авиони, што Русија го опишува како западна хистерија поради присуството на руските војници на границата со Украина.
Балтичките земји, Естонија, Летонија и Литванија, некогаш управувани од Москва, а сега се дел од НАТО и Европската унија, се потпираат на надзорот на НАТО врз нивниот воздушен простор. НАТО претходно објави дека Данска во четврток ќе испрати четири борбени авиони Ф-16 во блиската литванска воздухопловна база.
