Русија ќе го разгледа хакирањето на кој било од своите сателити како оправдување за војна, изјави шефот на руската вселенска агенција, два дена откако претставник на НАТО рече дека сајбер-напад врз земја членка може да го иницира член 5, клаузулата за колективна одбрана на членка на НАТО.
Директорот на „Роскосмос“, Дмитриј Рогозин, ги демантира медиумските извештаи дека руските сателитски контролни центри веќе биле хакирани среде руската инвазија на Украина.
„Исклучувањето на сателитите на која било земја е всушност casus belli, причина за војната“, ја пренесува „Интерфакс“ изјавата на Рогозин.
Тој исто така рекол дека „Роскосмос“ бара гаранции од OneWeb со седиште во Велика Британија дека нивните сателити нема да се користат против Русија.
Без гаранција, додаде Рогозин, Русија ќе го откаже лансирањето на 36 сателити OneWeb од космодромот „Бајконур“ закажано за 4 март.
