Нови информации доаѓаат откако руските медиуми утринава објавија дека ќерката на сојузникот на Путин загинала во експлозија на автомобил во предградие на Москва.
Дарја Дугина, која беше ќерка на истакнатиот ултра-националистички руски идеолог Александар Дугин, се верува дека е убиена откако била активирана експлозивна направа во Toyota Land Cruiser со кој таа патувала, се вели во соопштението на истражителите на московскиот регион.
Инспекторите, кои ја опишаа Дарја како новинар и политички експерт, рекоа дека отвориле случај на убиство и дека ќе спроведат форензички тестови за да се обидат да утврдат што точно се случило.
Тие рекоа дека ги земаат предвид „сите верзии на настаните“ при утврдувањето кој е одговорен за злосторството.