Габриел Жесус сезонава ги засили редовите на Арсенал. Тој во клубот пристигна од Манчестер Сити за 52.000.000 евра.
Легендарниот фудбалски мајстор Роналдињо проговори за квалитетите на младиот сонародник.
„Кога Габриел пристигна во Манчестер, реков дека ќе стане еден од најдобрите напаѓачи во светот. Кога ќе добиеше шанса, тој секогаш покажуваше дека е способен да извлече максимум од неа. Во Сити никогаш не доби можност и почит каква што заслужува играч со негов квалитет, изјави Роналдињо и додаде:
„Во Арсенал тој има клучна улога во тимот, ја чувствува поддршката од тренерот и навивачите и веќе им ја враќа со своите голови. Очекувам големи работи од него оваа сезона. Тој не е само еден од најдобрите играчи во Премиер лигата, туку и во цела Европа“.
Арсенал во првите три кола забележаа три победи. Жесус постигна два гола и забележа две асистенции.