Гостивар, 17 март 2020 (МИА) – Повеќе невладини и граѓански организации кои ги третираат правата на ромите во земјава, побараа средства за лична хигиена, дезинфекција и заштитни маски за семејствата кои живеат во лоши социјални услови.
Дел од барањата соопштија од Хуманитарното и добротворно здружение на Ромите „Месечина“ – Гостивар, кои укажаа на состојбата и потребата на Ромите во ситуацијата која настана со Ковид 19.
– Дел од заедницата на Роми во повеќе градови живее во и онака тешка социо-економска ситуација и во дадениот момент е дополнително отежната. Личната и колективната хигиена на лицата во дел од ромските населби преставуваат потецијална опасност од зараза не само на нив, туку во целост на општото население во градовите, наведува Мухамед Точи од „Месечина“ – Гостивар.
Освен хигенски препарати, ромските организации препорачуваат и посети од лекари од јавно здравје, заедно со преставници од граѓанските организации на ромските населби, со ризик и слаба едукација да ги едуцираат за начинот на одржување на личната хигиена и на тој начин да се заштитат од пандемијата. згм/аа/
