Охрид, 9 март 2020 (МИА) – Со преместување на дистрибутивната нисконапонска мрежа за пренос на електрична енергија и замена на постојните дрвени со нови бетонски столбови отпочнаа активностите за реконструкција на улицата „Прва Македонска ударна бригада“ во Охрид.
Станува збор за една од трите главни сообраќајници што го поврзуваат градот со населбата Видобишта, од витално значење за тој дел на градот.
Проектот за реконструкција на улицата „Прва Македонска ударна бригада“ е дел од инфраструктурните активности предвидени со годишната Програма за уредување на градежно земјиште и за оваа намена од буџетот на Општина Охрид се издвоени 13 милиони денари. аб/ац/
