20 јуни 2020
СДСМ и Спасовски се лицемерни. Тие се тие кои ги доведоа граѓаните во ризик и создадоа кластер на заразени од корона вирус меѓу свои функционери. Патем истите тие заразени функционери без почитување на строгите правила и со предвреме почнување на изборната кампања делеа партиски материјал, предизборен поткуп, држеа состаноци и на тој начин ги загрозуваа животите и здравјето на граѓаните.
ВМРО-ДПМНЕ е одговорна партија и ги почитуваме протоколите.
Од друга страна СДСМ и власта на Заев се тие кои не направија ништо епидемијата со корона вирусот да се запре. Тие се власт и освен броење на црни биланси и статистика, ништо конкретно не презедоа во насока на заштита на здравјето и животот на граѓаните. Македонија е редок пример во регионот кај што секој ден имаме трицифрена бројка на новозаболени и за жал редовно починати лица. Македонија е рекордер во регионот по заболени и починати од корона вирус на милион жители, а патем и според Форбс и според други еминентни извори сме земја која најлошо се справува со здравствената криза.
Тоа покажува дека оваа неспособна и неодговорна власт на Заев и СДСМ виновникот за лошата епидемиолошка слика во Македонија треба да ја бара кај себе, а не кај други.
Овој вирус на неспособност наречен Заев и СДСМ ќе биде поразен на претстојните избори. Изборот ќе биде помеѓу обнова која ќе ја донесе ВМРО-ДПМНЕ и измама која ја имаме со Заев и СДСМ. Македонија не заборава, и народот ќе ја направи разликата.
Центар за комуникации на ВМРО-ДПМНЕ
__________________________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки
