Фудбалерите на Манчестер јунајтед во понеделникот вечерта го одиграа последниот натпревар на домашен терен сезоната 2021/2022. Со убедлив резултат го победија Брентфорд. Неколку играчи кои на лето ќе ги напуштат „црвените ѓаволи“, се збогуваа со навивачите.
На крајот од сезоната му завршува мандатот и на привремениот“ менаџер Ралф Рангник, кој ќе го наследи Ерик Тен Хаг.
Многумина шпекулираат што ќе биде со легендарниот напаѓач Кристијано Роналдо.
„Зошто би се збогувале со Роналдо? Тој има важечки договор и колку што знам ќе биде со нас и следната сезона“, изјави Ралф Рангник по дуелот со Брентфорд.
Кристијано Роналдо (37) се врати во Јунајтед на почетокот на сезоната по 12-годишно отсуство од Манчестер. Неговиот договор со Јунајтед истекува во јуни 2023 година, а договорот предвидува можност за продолжување на соработката за уште една година.
До крајот на Премиер лигата на Јунајтед ќе гостуваат кај Брајтон и Кристал Палас.
> Рангник: Зошто да се збогуваме со Роналдо? Тој ќе биде овде и следната сезона <