Ерменскиот премиер Никол Пашинијан и рускиот претседател Владимир Путин телефонски разговараа за ситуацијата во Нагорно Карабах.
ТАСС пренесува дека не се зборувало за можноста Русија воено да интервенира во тековниот вооружен конфликт меѓу Ерменија и Азербејџан.
„Претседателот Путин и јас не разговаравме за можна руска воена интервенција во Нагорно Карабах. Покрај тоа, во моментов не ни е неопходно користењето на потенцијалот на 102. руска база, иако, доколку е потребно, тоа може да се случи затоа што има законска основа за тоа“, рече премиерот Пашинијан, пренесе ТАСС.
Азербејџан и Ерменија прогласија воена состојба и општа мобилизација и обете страни соопштија дека има многу цивилни жртви меѓу жртвите на четиридневниот вооружен конфликт.
