Нема да дозволам Бугарија да се вклучи во конфликтот во Украина, изјави бугарскиот претседател, Румен Радев. Тој одговори на прашањето дали само Бугарија и Унгарија не и’ испратиле оружје на Украина: „Како шеф на државата нема да дозволам Бугарија да биде вклучена во овој конфликт. Јас сум избран да ја бранам безбедноста на Бугарите и мирот во Бугарија. Цената на војната ја плаќаат граѓаните, а не оние кои проповедаат на телевизија“, рече шефот на државата.
Тој посочи дека негова грижа е народот.
Радев одговори и на прашање во врска со видеото на Амбасадата на Руската Федерација, објавено претходно денеска, на кое се гледа лансирање ракети од руски инсталации на воени локации во Украина.
„Очекувам не само амбасадорот на Руската Федерација туку сите амбасадори во Бугарија да работат и да зборуваат во рамките на нивниот статус со почитување на бугарските институции и суверенитет“, рече претседателот.
