Официјален Кремљ објави дека претседателот Владимир Путин им дал добар пример на руските граѓани со вакцинирање против Ковид-19 и дека ќе ја добие втората доза на вакцината за околу три недели.
Путин ја прими првата доза на вакцината вчера, но руските власти не сакаа да кажат која од трите руски вакцини ја прими.
Сепак, официјален Кремљ не објави фотографии или видео од вакцинацијата на претседателот, пренесува Ројтерс.
Портпаролот на Кремљ Дмитриј Песков исто така рече дека руското производство на вакцини не е доволно за да се задоволи побарувачката во руските региони на почетокот на годината, но оттогаш производството е зголемено.
