Рускиот претседател, Владимир Путин, соопшти дека успешно е тестирана хиперсонична ракета Циркон, тип на оружје што Москва го смета за „невидливо“ и кое е во центарот на трката во вооружување меѓу воените сили.
„Истрелана е салва на хиперсоничниот систем Циркон“, рече Путин, додавајќи дека операцијата била успешна. Станува збор, како што посочи рускиот претседал, за голем настан за земјата и значајна фаза во зајакнувањето на безбедносните и одбранбените капацитети на Русија.
Руските медиуми јавуваат дека ова е прв пат да биде истрелан Циркон.
