Путин не мора да чека согласност за испраќање војска во новопрогласените републики.
Во договорите за соработка меѓу Русија и самопрогласените Народни републики Донецк и Луганск се наведува дека претседателот на Русија не мора да бара согласност од Советот на Федерацијата за употреба на руските вооружени сили во странство, изјави извор од рускиот парламент за РИА Новости.
Соговорникот на агенцијата изјавил дека дозволата би била потребна доколку се работи за територија на Украина.
„ Но, сега тоа се териториите на ДНР и ЛНР“, вели изворот.
Рускиот претседател Владимир Путин синоќа потпиша укази за признавање на самопрогласените републики во источна Украина, како и договори за соработка со нив, со кои, меѓу другото, и нареди на руската армија да обезбеди мир во регионите во источна Украина.
