Рускиот претседател Владимир Путин лично ќе ги надгледува вежбите на руските сили за стратешко одвраќање, вклучително и лансирањето на балистички и крстосувачки ракети дизајнирани да симулираат нуклеарен напад, пишува „Гардијан“.
„Годишните стратешки вежби ‘Гром’ ќе се одржат утре под надзор на врховниот командант на руските вооружени сили Владимир Путин“, се вели во соопштението на руското Министерство за одбрана. Тоа се вежби кои обично се одржуваат на лето.
„Планираната вежба на силите за стратешко одвраќање има за цел да ја тестира подготвеноста на воените команди и екипажите на ракетните системи, воените бродови и стратешките бомбардери за извршување на нивните мисии и да ја провери ефикасноста на оружјето на стратешките нуклеарни и конвенционални сили“, соопшти руското министерство.
