Ултраправославни демонстранти се собраа во квартот на Ерусалим каде што се на сила карантинските мерки, во знак на протест против наметнатите ограничувања, а дел од нив се судрија со полицијата, пренесува АП.
Околу 400 луѓе протестираа доцна синоќа во квартот Ромема во Ерусалим.
Некои од нив се судрија со полицијата и запалија голем куп смет. Израелската полиција потврди дека најмалку едно лице е уапсено.
Бидејќи земјата се соочува со зголемување на бројот на заразени, израелските власти почнаа да наметнуваат ограничувања за одредени градови и делови од градовите особено погодени од пандемијата.
Повеќето од овие области се ултраправославни и нивните жители сметаат дека се неправедно издвоени како особено ризични во однос на ширењето на вирусот.
