Утрински Весник
Македонија

Пронајдени 142 мигранти во товарно возило, кривични пријави за двајца гевгеличани

Пронајдени 142 мигранти во товарно возило, кривични пријави за двајца гевгеличани

Скопје, 18 јуни 2020 (МИА) – Регионалниот центар за Гранични работи Југ поднесе кривична пријава против Б.А.(40) и К.Ѓ.(27) двајцата од Гевгелија, осомничени за сторено кривично дело „криумчарење мигранти“.

На 10.06.2020 околу 05,40 часот од страна на мото-патролни служби на Полициската станица за Граничен надзор и Граничен премин Богородица на автопат Гевгелија –Скопје, соопштија денеска од МВР, било забележано товарно возило „ман“ со бугарски национални ознаки и приклучно возило, како се движело со голема брзина. Потоа мото-патролата се упатила кон товарното возило со цел да го запрат, а кај стариот пат од село Милетково кон село Габрово возачот го сопрел товарното возило и избегал.

– При преглед над товарното возило биле пронајдени 142 мигранти и биле приведени во полициска станица за понатамошна постапка, стои во соопштението од МВР. цр/са/

Извор: mia.mk

Можете да прочитате

Нормализиран сообраќајот за камиони кон „Блаце”, на „Табановце“ се чека околу 30 минути

Повторно одложено судското рочиште за случајот Веапоска на кое требаше да биде презентиран извештајот од супервештачењето

СДСМ: Владата ќе потроши 1,8 милиони евра на кампања за ЕКСПО во Белград, но нема пари за Кочани и за пожарникарите