Ѕвездата на НБА тимот, Хјустон Рокетс – Расел Вестбрук ќе го пропушти стартот на плеј-оф серијата и првиот дуел со својот поранешен тим, Оклахома Сити Тандер поради повреда, соопшти тренерот на „ракетите“ Мајк Д`Ентони.
Вестбрук има повреда на мускул на десната нога, поради што го пропушти последниот меч за Хјустон во регуларниот дел од сезоната. Дека се работи за сериозна повреда кажува и фактот што неизвесен е неговиот настап во целата плеј-оф серија.
Сезонава Вестбрук просечно постигнува по 27.2 поени на меч надополнети со 7.9 скокови и 7 асистенции.
Покрај Џејмс Харден, тој е главната алка во играта на Рокетси.
Хјустон и Оклахома својата серија до 4 победи ќе ја започнат ноќта меѓу вторник и среда.
> Проблеми за Рокетси, без Вестбрук на стартот на плеј-офот! <
