Министерот за надворешни работи и дијаспора на привремените институции во Приштина, Мелиза Харадинај Стубла испрати нота до Европската комисија. Нотата е испратена поради книгата „Христијанското наследство на Косово и Метохија“, која во четвртокот била ставена на масата за време на состанокот меѓу комесарот на ЕУ за проширување и соседска политика Оливер Вархели и српскиот претседател Александар Вучиќ во српската мисија во ЕУ во Брисел.
„Министерството за надворешни работи и дијаспората на Косово до Европската комисија за преговори за проширување го изразува својот силен протест во врска со вестите и фотографиите објавени во други официјални медиуми и преку социјалните мрежи, на кои се гледа Оливер Вархели на средбата со Александар Вучиќ, додека во позадината е книгата што промовира етничка омраза со навредлива содржина и неприфатливо име за Косово“, се наведува во нотата.
